لعبه جميله

مواقف

أذكر لي موقف مضحك حصل لك
-كنت في رحلة وكنت جايبة معايا أكل المهم كل شوية واخد ييجي يأخد منه كل شوية كل شوية وبعدين اخدوا مني الاكل وأعدوا يأكلوا ورا وكل ده وأنا لسه ماذقتش منه حاجة وبعدين رجعولي الصينية فاضية ساعتها كلهم ماتوا من الضحك لاني ما دقتش منه حاجة هههههههههههههه
----------------------------------------
موقف محرج حصل لك
-كنت رايحة مكتبة الاسكندرية أنا وفريد أخويا وزي ما انتوا عارفين أني لازم احط الشنطة في الامانات وفعلا حططها ووأحنا طالعين شفت واحدة زميلتي أعدت أكلمها فنسيت أجيب الشنطة من الامانات ووقفنا عربية وخلاص دفعنا رحت افتكرت الشنطة فقلت لفريد يلا ننزل الشنطة هناك رحنا وقفنا العربية وأخدنا الفلوس وطبعا احراج ما بعده احراج ورحنا لحقناها بس كان حتة يوم تحفة
-------------------------------------------
موقف محزن حصل لك
-أحداث 45 كانت بالنسبةليّ أوحش حاجة في حياتي لان مامتي وأخويا كانوا جوه كنيسة مارجرجس أثناء الضرب وأنا كنت جاية من الدرس ومحوده علي الكنيسة وأفتكرت أنهم خلاص أنتهوا (بعد الشر عليهم).
-------------------------------------------
موقف سعيد حصل لك
-يوم ماخلصت الثانوية العامة أرتحت لاني كنت مضغوطة جدااااااااااااااا فيها.
-------------------------------------------
موقف الحظ وقف فيه إلى جانبك
مش فاكرة دلوقتي
------------------------------------------

الأعضاء(علي فكرة أنا معرفش كل الاعضاء)
---------------------------------------------

من العضو إلي نفسك تتضرببه دلوقتى
اكيد اللي حطوني هنا

العضو المقرب بالنسبة لك
ميرو ومرمر

أعضاء مفضلين
أنا وأخويا فريد هههههههههههه

من العضو إلي دايما يحاول يرفع ضغطك
بلاش ذكر أسماء


من العضو إلي تعطيه لقب المغرور
مفيش


من العضو إلي تعطيه لقب خفيف الدم
معرفش

من العضو إلي تعطيه لقب الغامض
معرفش أعضاااااااااااااااااااااااااااء

من العضو إلي تعطيه لقب المشهور
معرفش

من العضو إلي تعطيه لقب الشرير
اكيد اللي جابوني هناااااااااااااااا ههههههههههههه

من العضو إلي تعطيه لقب الطيب
اكيد مش اللي جابوني هناااااااااااااااا

من العضو إلي تعطيه لقب المسلي
ارحمني يا الهي معرفش اعضااااااااااااااااااء

من أول عضو عرفته في المنتدى
ميرو

من العضو إلي تبقى تعرف عنه أكثر
ميرو برضه

من إلي عرفك بالمنتدى
أنا عرفته لوحدي


و دلوقت الاسئلة المرقمة الخفيفة(صبرني يا ألهي)



1 - ايه مضايقك دلوقتى حالا
الكيبورد اللي قدامي

2 نفسك فى ايه تحققيه من غيرر ما تقول حاجات كتير لازم تكتبهم
النجاح

3 - كم مره حسيت انك غلط فى حد ومش حاسس ان ده غلط
مش عرفه لاني ببساطة مش حاسة ان ده غلط هههههههههههههههههه

4 - مين اقرب شخص ليك فى المنتدى (من غير ذكر كلمه كل المنتدى )
ميرو ومرمر

5 - مين اقرب شخص ليك خارج المنتتدى ( من غير ذكر كلمه كل الناس )
واحدة أعرفها من غير ذكر أسماء

6 - ايه اكتر عيب فيك
حساسة أوي

7 - ايه اكتر ميزه فيك
أن قلبي طيب وبسامح بسرعة

8 - ايه اكتر حاجه بتتفائل بيها
حاجات كتيرررررر

9 - ايه اكتر حاجه بتتشائم بيها
رقم 13 ههههههههههههههههههههه

10 - ايه اللى يخليك تعيط
الخدمة

11 - ايه اللى بيفرحك
الخدمة برضه

12 - حالك دلوقتى عامل ازااى ( قلقان - فرحان - - مستغرب من شئ - مش عارف تعمل ايه من الفرحه - مش عارف تعمل ايه من الحزن ) أختار واحده بس
مستني خبر حلو وقلقان

13 - كام مره حسيت بانك متقدرش تعيش من غير حد
مش عارفه

14 - ايه الالوان المفضله
الازرق والبنفسج عموما الالوان الباردة

15 - ايه المواد المفضله فى الدراسه
الانجلش

16 - ايه اكترر حاجه قلقاك
الامتحانات

17 - ايه اكتر حاجه مفرحاك
ان الناس اللي حواليا بيحبوني وأنا بحبهم

18 - ايه هدفك فى الحياه
ربنا عارف

19 - كام مره حبيت
انا بحب بابا يسوع وماما العدرا وكل القديسين والملايكة عدوا دوله وبعدين أكملك الباقي
هههههههههههههههههه

20 - ايه رايك فى مقوله الحب صح صح والهجر كوخ كوخ ههههههههههههه
صح ومش كوخ
هههههههههههههههه


21 - مارايك فى المسامحه هل بتشوفها ضعف ولا قوه ولا كبرياء ولا مش موجوده ولا ايه بالظبط عاوز وجهه نظر حضرتك
بص المسامحة جميلة أوي وعظيمة أوي لان محدش يقدر يسامح بسهولة اذا كان ملاك مش من هنا

22 - ليه احنا عايشيين
ربنا عايز كده هنعترض ههههههههههههههههه

23 - ممكن تكره حد
أتخنق ااه لكن أكره لأ

24 - ايه مواصفات القوه فى وجه نظرك
اكيد العضلات مش هي القوة طبعا بس المحبة قوة والصبر قوة والعزيمة قوة والصمود قوة والاصرار علي النجاح قوة والوجود مع ربنا أعضم القوي

25 - ايه مواصفات الضعف فى وجهه نظرك
السلبية واللامبالاة والكسل والصوت العالي

26 - ايه اكتر شئ مزهقك
اللعبة

27- ايه اكتر شئ بيعجبك فى اكتر حد بتحبه
انه بيعرف يخرج نفسه من الضغوط اللي عليه

28 - ايه اكتر عيب فى شخص بتحبه ونفسك تقتله بسببه
الاكتئاب

29 - ايه اكتر ميزه فى المنتدى
المحبة والتعاون بين الاعضاء

30 - ايه اكتر حاجه حاسس انها بتهدد االمنتدى
ولا حاجة المنتدي زي الفل

31 - ايه اكتر قسم بتحبه فى المنتدى
العلمي والالعاب والعقيدة

32 - ايه اكتر موضوع شدك فى المنتدى
المواضيع كلها هادفة ومفيدة وكلها بتشد

33 - ايه اكتر موضوع حسيته انه لازم يتحذف
مفيش

34 - لو شفت حد ماشى فى الشارع بيقوول يا جماعه انا المسيح هتقولى ايه هههههههههه
أقوله روووووووووووووووح ألعب بعيد

35 - هل حد يقدر يقنعك بسهوله و مين ده اللى يقدر يكسر حاجز العناد الشخصي اللى جواك زى ما فى اى حد بس بيبقى بنسبه وتناسب من شخص لاخر
أقتنع حسب الموقف اللي أنا فيه ،مامتي وخالتي

36 - هل انت عنيد
نعم

37 - ايه رايك فى الاستايل الجديد للمنتدى
لذييييييييذ

38 - تتمنى ايه للمنتدى
يبقي أحسن منتدي

39 - ايه اكتر حاجه بتطلبها من ربنا
اني أفضل جانبه

40 - ايه رايك فى الاسئله دى ( زكيه - متلاعبه - ملهاش لازمه - لف ودوران هههه - متنوعه - ملهاش لازمه )

متنوعة

يارب أرحمني بقه خلاص هطفش