Mero KA المشرفون
عدد الرسائل : 376 العمر : 33 كنيستك ايه ؟ : كنيسه القديسين مكسيموس و دوماديوس والقوى الانبا موسى الاسود الاوسمة : تاريخ التسجيل : 09/12/2008
| موضوع: احبها كثيرا لدرجة الرهبنه!!!!!!!!!!!!!!! السبت 7 فبراير - 20:39 | |
| ايهاب وايناس اتنين زملا فى طب القصر العينى اعجب ايهاب بايناس جدا واتمنى انها تشاركه حياته ويملا المسيح بيتهم بس قرر انه مش هيفاتحها فى الموضوع ده غير بعد نتيجة البكالريوس فى الوقت ده كانت ايناس بتروح لدير من اديره مصر القديمه واتعلقت بحياة الرهبنه واتمنت انها تعيش فى قلايه صغيره تبقى بالنسبه ليها احلى من اى شقه كبيره يقدمهالها اى شاب طالبها للجواز وظهرت النتيجه وراح ايهاب عشان يكلمها وكانت ايناس كأنها محضره الرد "ناقش الموضوع ده مع اب اعترافى" ودلته ايناس على اب اعترافها واتصدم ايهاب بعد ما قاله ابونا انها متعلقه بالرهبنه وهو موافق وكمان امهات الدير بس ايهاب مستسلمش راح كلمها كتير وحاول بس للاسف كل محاولاته فشلت وخلصت ايناس سنه الامتياز وجه اليوم اللى تروح فيه للدير وفعلا عملت كده تعب ايهاب كتير لما عرف واستغرب ايه اللى ممكن يخليها تسيب كل متع الدنيا ؟ يعنى هى مكانتش تعرف تجمع بين المسيح وجوازها؟ وقرر ايهاب يروح لايناس فى الدير بس عشان يسألها عن السبب ولكن الام الرئيسه رفضت وطلبت منه ميحاولش تانى ويصليلها تعب ايهاب اكتر ومقدرش يفكر فى الجواز من واحده غيرها اتقابل مع اباء كتير وفى مره نصحه اب راهب انه يقضى يوم فى الدير وفعلا عمل كده ولقى راحه كبيره وابتدا تدريجيا ياخد على حياة الخلوه حتى انه كان لازم كل اسبوع يقضى يوم فى الدير وكان كل مايفتكر موضوع ايناس يضحك من نفسه ويشكر ربنا على تدبيره واخيرا قرر ايهاب مع اب اعترافه و المسؤلين عن الدير انه يترهبن اترهبن ايهاب وبقى الاب افلوجيوس وبعد سنتين من رهبنته جاله ضيوف تفتكروا مين ؟؟؟؟؟؟؟؟؟؟؟؟ ايناس .......... ايوه ايناس وكمان جوزها وبنتهم اللى عندها 3 سنين ايوه ايناس ماهى مترهبنتش اكتشفت انها مش هتقدر تعيش الرهبنه صح فقررت هى والامهات وابونا انها ترجع وتكمل حياتها فى العالم وبعد سنه من زيارتهم لابونا افلوجيوس كرروا الزياره تانى بس ابونا اعتذر عن مقابلتهم عشان كان ده يوم من الايام اللى مبيطلعش من قلايته فيها فأكتفت ايناس بترك رساله عليها اسمها وبتطلب منه يصليلها عشان مشاكلها الزوجيه قطع ابونا افلوجيوس الرساله بهدوء ووقف يصلي عنهم وعن ولاد المسيح قد ايه يارب تدبيرك فى حياتنا وقد ايه دايما بنتذمر عليه بس فى النهايه لازم نشكرك على كل حاجه فينا وفى حياتنا
سامحونى لو كنت طولت عليكم محتاجه صلاتكم
| |
|
keroomelad Admin
عدد الرسائل : 514 العمر : 30 كنيستك ايه ؟ : مكسيموس و دوماديوس و القوى الانبا موسى الاسود تاريخ التسجيل : 04/11/2008
| موضوع: رد: احبها كثيرا لدرجة الرهبنه!!!!!!!!!!!!!!! السبت 7 فبراير - 23:31 | |
| قصه جميله جدا بس ايهاب اتبعت بعته جامده شكرا يا ميروو | |
|
Mero KA المشرفون
عدد الرسائل : 376 العمر : 33 كنيستك ايه ؟ : كنيسه القديسين مكسيموس و دوماديوس والقوى الانبا موسى الاسود الاوسمة : تاريخ التسجيل : 09/12/2008
| موضوع: رد: احبها كثيرا لدرجة الرهبنه!!!!!!!!!!!!!!! الأربعاء 11 فبراير - 23:36 | |
| هههههههههههههههه بس فى الاخر اخد الاجمل ميرسى لمرورك وربنا معاك
| |
|